元朗信義中學早前有兩名中五學生，因喺校內歌唱比賽唱Dear Jane嘅《銀河修理員》而被記大過，兼禁止參加校外活動！據悉由於校方指歌詞中含有「亂世」「對抗」等字眼，而被認為有「政治意味」。
咁啱Dear Jane最近喺IG舉辦「學校之心」投票活動，宣傳新歌《聖馬力諾之心》。佢地為全港數百間中學及大學各出一個post，Dear Jane將會去最多like嘅中學同大學大合唱。
投票早期由被網民笑稱為「武術學校」嘅高雷中學以7萬幾票領先，佢地力推Dear Jane到高雷中學習武，之後爆出記大過事件後，網民決定集氣元朗信義中學，截至目前更獲超過28萬票，連Dear Jane琴日公布走勢都話：「高雷中學同學仔，唔好意思呀，做哂GYM 🏋🏻但我哋好似嚟唔到啦！」
投票喺今晚11點59分截止，Dear Jane將會聯絡最高票嘅中學及大學，到場與學生們大合唱。
Search